五店市 - 李春丽
阮兜住踮大海墘，
彼款红砖啊古厝，真稀奇。
燕尾脊，皇宫起，
出拱钱墘，留深井，
听讲这是祖宗，辛苦来建置，
一家老幼做伙，足趣味。
老叔公弹著琵琶，念歌诗，
老婶婆讲起古早的代志。
早时祖公吖番邦做生理，
勤劳打拼是咱厝的风气，
记得阿嬷的教示，
竖厝拢著好厝边，
吃著甘甜的番薯，
想起辛苦的阿母味，
看著故乡的新景致，
乡村变成繁华的都市。
彼几间的红砖啊古厝，
拢是祖先打拼的记邸，
乎咱艰苦创业的教示
教咱世代子孙，
永远著有志气。
阮兜住踮大海墘，
彼款红砖啊古厝，真稀奇。
燕尾脊，皇宫起，
出拱钱墘，留深井，
听讲这是祖宗，辛苦来建置，
一家老幼做伙，足趣味。
老叔公弹著琵琶，念歌诗，
老婶婆讲起古早的代志。
早时祖公吖番邦做生理，
勤劳打拼是咱厝的风气，
记得阿嬷的教示，
竖厝拢著好厝边，
吃著甘甜的番薯，
想起辛苦的阿母味，
看著故乡的新景致，
乡村变成繁华的都市。
彼几间的红砖啊古厝，
拢是祖先打拼的记邸，
乎咱艰苦创业的教示
教咱世代子孙，
永远著有志气。
看著故乡的新景致，
乡村变成繁华的都市。
彼几间的红砖啊古厝，
拢是祖先打拼的记邸，
乎咱艰苦创业的教示
教咱世代子孙，
永远著有志气。