老佛山传奇 - 劳动服务
词：林家鸿
曲：林家鸿
流传伫台湾岛南爿的传说
清朝的恒春县志内底嘛有写
无仝的庄头 无仝款的讲法
人客仔这条歌词恁就斟酌仔听
老佛山 一个趣味的地名
跟佛祖咁有关系 我毋知影
伊是恒春半岛的第二高山
听讲足济神明拢住伫这
开车过满州 一路向东
路边出现一堆庙寺的看板
吸引四面八方 的修行人
其中一个大人物 号做杨传广
山脚有住 无仝款的民族
汉人 马卡道 排湾 斯卡罗
有的攑香拜拜 有的信耶稣
台东的阿米斯 嘛会来这祭祖
伫这会当看到特殊的信仰
山神的外型亲像石头公
壁脚的矸仔是平埔太祖
仪式的进行 就爱靠向婆
流传伫台湾岛南爿的传说
清朝的恒春县志内底嘛有写
无仝的庄头 无仝款的讲法
人客仔这条歌词恁就斟酌仔听
深山林内 有乌乌的矮人
尹伫起厝 拢是用石板
脚手溜俐搁毋惊做粗重
但是足久无人看过尹的形影
归落冬前 山内做工程
欲起道场 来奉祀观世音
煞去挖着白骨佮陪葬品
听讲这带后来拢袂平静
起一座塔 安搭先人的灵魂
祭品有槟榔 归枝仔薰
建材是古早人用过的石仔
賰的就抾抾放伫大树脚
老佛山 藏伫个云的后面
毋知内底搁有外济秘密
石头厝的彼群人 咁真正消失
觅伫磅空内 乎人寻无尹
搁会记个有一年来参加春呐
一个人伫满州的庄头 乌白行
拄着一位亲切的 原住民大兄
讲山内 有足济物件倘予看
伊不断提醒 叫我就爱较细腻
袂当对挖出来的古物无尊敬
听讲以早有人就是 相过了铁齿
转去都市 无外久 就马上破病
伫这兮荒郊野外 完全拢无路标
树叶仔暗暗 强欲看无日头
行袂出这片山林 乎人真正想欲吼
恐惊到时阵会去予魔神仔牵走