喝玲珑卖什细-李炳辉
词：谢丽燕
曲：郭大诚
玲玲珑珑 玲玲珑珑 喝玲珑
卖什细 街头巷尾四界踅
今日从这过 看您爱啥货
拢毋免讲价 绝对无问题
无论是胭脂水粉膨粉价膨纱
阮就是喝玲珑 卖什细
来唷 来看我喝玲珑的卖什细
不是欲卖你摇鼓价卖鼎擦 请各位就要乎详细
是欲来卖恁化装的百货 今天欲来俗俗仔卖
彼个猪肉欲当作咸菜价 若恁欠用才紧来提
看 偎来看 俗对半 不是我咧爱弹
我的水粉提去抹 妆妆咧甘若阿旦
一盒才卖您二块半
我昧歕鸡奎啦 一个老阿婆今年八十几岁
抹着我的水粉搁会老水啊老水
来唷 即吗我来喝一支胭脂 胭脂若欲抹
你就要拣彼啰好气味的 若欲抹你着要抹嘴边
爱人仔嗅着才会心绵绵 各位小姐不通假敖
胭脂若抹在鼻头
刚好亲像木栅仙公庙彼只红鼻猴 一支偌济
二块四 慢且是 恁即吗跟我买一支
我另外送恁一支返去分厝边 有人欲爱就即吗紧讲起
若给我收起来才欲得 就是重讲钱
有人欲否 什么 大家煞静静 各位大概是不合用
人客啊 恁不通俗米嫌臭醅
俗蕃薯给我嫌曲龟 卖恁俗恁给我嫌楣
真珠给我当作老鼠屎
无我即吗搁来喝一领四十八人份的蚊罩
也挺好围篱笆 也挺好做灶脚
也挺好做鱼网仔提去外海抛
一领才卖恁一十八 搁来噢 即吗欲来喝一条齿膏
各位咱遮男士朋友恁毋通看做是药膏
提返去厝内黑白抹黑白搔 搔一下久变汰痼
彼阵就乎您太太讲恁去歪哥
啊你就会真啰唆 来来来 来喝一块雪文
香贡贡搁贡贡香
洗一摆香七天 初一提来洗身躯 十五犹咧轻松
放咧三年过五冬 免惊会蛀空
也免惊会生虫 来唷 半卖半相送
一项一项来加拼 甘若关公咧走麦城 现喝现输嬴
恁若欲爱才喝声 紧来唷
玲玲珑珑 玲玲珑珑 喝玲珑
卖什细 街头巷尾四界踅
今日从这过 看您爱啥货
拢毋免讲价 绝对无问题
无论是胭脂水粉膨粉价膨纱
阮就是喝玲珑 卖什细